O MECANO é unha actividade promovida polo Campus Industrial de Ferrol da Universidade da Coruña que ten por obxecto estimular a creatividade, o traballo en equipo e achegar o mundo da inxeniería/tecnoloxía aos estudantes de último ano doS IES galegos, a través da construción e programación dun Robot para, posteriormente, superar unha serie de obstáculos proxectados nunha “xincana”.
O Concurso Mecano forma parte da estratexia de comunicación e aproximación da Universidade da Coruña e do Campus Industrial de Ferrol en particular, para que o alumnado de bacharelato de Galicia teña unha visión máis próxima e tanxible das potencialidades da oferta académica universitaria, desde a perspectiva da tecnoloxía e a enxeñaría.
O MECANO
como método de aprendizaxe
Os mecanos son entendidos como xogos a base de pezas coas que poden comporse diversas construcións. Esta dinámica baséase en construír e programar un robot mediante a superación dunha serie de actividades encamiñadas a promover as habilidades creativas e innovadoras dos alumnos, resolver retos de forma grupal, potenciar o traballo en equipo e o liderado dos membros a través da toma de decisións comúns, facilitar o desenvolvemento de capacidades mediante a xeración de procesos cognitivos nos participantes, ou deseñar e pór en marcha proxectos tecnolóxicos, identificando as tarefas, subtarefas, riscos, medidas e xestión do tempo necesario para a construción do prototipo. Todo iso achegando aos alumnos ás novas tecnoloxías presentes na Industria 4.0, a robótica e a programación.
Contacto
Para calquera dúbida póñase en contacto connosco a través do seguinte correo electrónico:
comunicacion@mecanociferrol.es
